Návígi

Hilmar Björnsson (S02/E09)

NÁVÍGI (S02/E09) Hilmar Björnsson 
Níundi þáttur af Návígi er kominn í loftið.  
Hilmar Björnsson er reyndasti framleiðandi landsins í gerð íþróttaefnis.
Hann hóf sinn fjölmiðlaferil á Stöð 2 árið 1993 og hefur komið víða við í yfir þrjá áratugi - hann stýrði Stöð 2 Sport í mörg ár og undanfarin tíu ár hefur hann verið Íþróttastjóri RÚV.
Hér fer hann í fyrsta skipti í viðtali yfir feril sinn í fjölmiðlum og fer spjallið um víðan völl enda Hilmar verið lengi í bransanum.
 
Meðal efnis:
Boltinn með Guðna Bergs 
KF Nörd - þáttaröðin sem átti að halda í áskrifendur
Hjörvar Hafliðason fer á stóra sviðið á RÚV
Áfallið að missa enska boltann árið 2004
Veðjar á unga menn sem vilja gera þátt um atvinnumennina okkar
Konur fá stærra pláss á RÚV 
Þetta og fleira áhugavert í níunda þætti Návígis!
Samstarfsaðilar Návígi eru:N1 - ASKJA - LANDSBANKINN - IKEA

Þóra Tómasdóttir - Helga Lára safnstjóri RÚV - Þórhallur Gunnarsson (S02/E08)

NÁVÍGI (S02/E08) Þóra Tómasar - Helga Lára safnstjóri RÚV - Þórhallur Gunnarsson
Áttundi þáttur af Návígi er kominn í loftið.
Þóra Tómasdóttir fylgdi eftir kvennalandsliðinu í knattspyrnu frá 2007-2009 og gerði heimildamyndina Stelpurnar okkar. Þóra fjallar um gerð myndarinnar, menntun sína í heimildaþáttagerð og hina ólæknandi bakteríu að vilja miðla og  segja sögur.  
Helga Lára Þorsteinsdóttir er safnstjóri Rúv. Hún fræðir okkur um hlutverk og stöðu safnsins og nefnir dæmi um merka fundi safnsins síðasta vetur. 
Að lokum ræðir reynsluboltinn Þórhallur Gunnarsson um stöðu sjónvarpsþáttagerðar og varpar ljósi á gríðarlegar vinsældir hlaðvarpa um þessar mundir. 
Samstarfsaðilar Návígi eru:N1 - ASKJA - LANDSBANKINN - IKEA

Freyr Árnason (S02/E07)

NÁVÍGI (S02/E07) Freyr Árnason 
Sjötti þáttur af Návígi er kominn í loftið.  
Freyr Árnason fer fyrir framleiðslufyrirtækinu Obbosí ehf sem hefur klippt og séð um eftirvinnsluna á stóru seríum Stöðvar 2 Sport (Sýn) síðastliðin ár.  Freyr er einnig hægri hönd Emmsjé Gauta til margra ára og komið m.a. að Julevenner jólasýningu hans.  Knattspyrnulið FH er það lið sem gerir bestu myndböndin fyrir samfélagsmiðla og þar er Freyr sem fer fyrir öflugu teymi sem framleiðir þau.  
Meðal efnis:
Hugmyndin á bakvið góðgerðartreyju FH sem hefur slegið í gegn. 
Steve Dagskrá í sjónvarpi. 
13 tónleikar á 13 dögum. Tónleikaferð Emmsjé Gauta árið 2018. 
Sjónvarpsþáttaraðir sem hann framleiddi fyrir FH 2018-2020. 
Hvað gerði Pavel Ermolinski fyrir Jón Arnór sjónvarpsþættina ?
Hvað eru næstu verkefni sem hann er að vinna að ?
Þetta og margt margt fleira.
Samstarfsaðilar Návígi eru:N1 - ASKJA - LANDSBANKINN - IKEA

Garðar Örn & Siggi Már (S02/E06)

NÁVÍGI (S02/E06) Garðar Örn & Siggi Már
Sjötti þáttur í nýrri seríu af Návígi er kominn í loftið.   Garðar Örn Arnarson og Sigurður Már Davíðsson eru reyndasta teymi landsins að búa til íþróttaheimilda seríur.   Þeir eru í viðtali hjá Gulla Jóns og draga ekkert undan í lengsta þætti seríunnar til þessa . 
Meðal efnis:- Hverju breytti Last Dance sería Michael Jordan - Hvaða áskoranir lentu þeir í þegar þeir bjuggu til Jóns Arnórs seríuna- Afhverju vildi Garðar gera þáttaröð um Arnar & Bjarka- Hvað réð úrslitum að Arnar Gull samþykkti að gera sjónvarpsþáttaröð um Víkingsliðið árið 2021 - Hver var hugmyndin á bakvið Körfuboltakvöld og afhverju virkaði hann strax í byrjun. 
Þetta og margt margt fleira. 
Umsjón: Gulli Jóns 
Samstarfsaðilar Návígi eru:N1 - ASKJA - LANDSBANKINN - IKEA

NÁVÍGI (S02/E05) Arnar Gull vs Óskar Hrafn (ballið byrjar)

NÁVÍGI (S02/E05) Arnar Gull vs Óskar Hrafn (ballið byrjar)
sérstakur gestur: Gummi Ben 
Í þætti fimm gerum við upp einvígi Arnars og Óskars á árunum 2021-2023. Upp úr sauð í leikjum Breiðabliks og Víkinga á þessum árum, oftar einu sinni og oftar en tvisvar. 
Þeir félagar sendu hvor öðrum pillur í viðtölum í hvert sinn sem færi gafst.  Við ræðum bæði við Arnar og Óskar um þessi ár. Gerðu þessi átök þá að betri þjálfurum? Var þeim illa við hvorn annan? Saknar Óskar þess að hafa Arnar ekki í Bestu deildinni?
Umsjón: Gulli Jóns og Hjörtur Hjartar
Samstarfsaðilar Návígi eru:
N1 - ASKJA - LANDSBANKINN - IKEA

NÁVÍGI (S02/E04) Arnar Gull vs Óskar Hrafn (fyrri hluti)

Arnar Gull vs Óskar Hrafn (fyrri hluti)
Sérstakur gestur: Gummi Ben 
Fjórði þáttur í nýrri seríu af Návígi er kominn í loftið. Nýtt þema; Arnar Gunnlaugs og Óskar Hrafn. Flestir þekkja þeirra slag sem þjálfarar Breiðabliks og Víkings en færri vita að fyrst lágu leiðir þeirra saman fyrir rúmum 35 árum. Farið verður yfir þeirra sögu sem andstæðingar á vellinum bæði í yngri flokkum sem og í meistaraflokki. Þá skoðum við fyrstu skref þeirra félaga í þjálfun, Arnar hjá ÍA  og Óskar hjá Gróttu. 
Meðal efnis:  
Úrslitaleikur ÍA-KR í 3. flokki 1989 
Óskar vs A&B í meistaraflokki 1992
Arnar og Bjarki byrja óvænt í þjálfun 2006
Óskar Hrafn og ótrúlegur uppgangur Gróttu
Umsjón: Gulli Jóns og Hjörtur Hjartar
Samstarfsaðilar Návígi eru:N1 - ASKJA - LANDSBANKINN - IKEA

NÁVÍGI (S02/03) Bjarki Gull & mennskan II

BJARKI GULL & MENNSKAN II
Þáttur þrjú í nýrri seríu af Návígi. 
Bjarki Gunnlaugs er gestur þáttarins og heldur áfram að ræða sína reynslu úr atvinnumennsku í fótbolta. Þetta er seinni þátturinn með Bjarka þar sem við einblínum meira á hans feril í og sérstaklega veru hans hjá Preston þar sem ungur knattspyrnustjóri David Moyes var að stíga sín fyrstu skref. 
Umsjón: Gulli Jóns og Hjörtur Hjartar
N1 - ASKJA - LANDSBANKINN - IKEA

NÁVÍGI (S02/E02) Bjarki Gull & mennskan

BJARKI GULL & MENNSKAN
Þáttur tvö nýrri seríu af Návígi. Nú verður slegið í klárinn! 
Að þessu sinni er umboðsmaðurinn og fyrrverandi knattspyrnuhetja, Bjarki Gunnlaugsson gestur þáttarins. Bjarki ræðir atvinnumennsku í fótbolta í víðum skilningi, bæði sína eigin og annarra. Óhætt er að segja að Bjarki hafi farið á flug og því nauðsynlegt að skipta spjallinu upp í tvo þætti. Sá fyrri er hér.
Umsjón: Gulli Jóns og Hjörtur Hjartar
N1 - ASKJA - LANDSBANKINN - IKEA

NÁVÍGI (S02/E01) Akranes

Nýtt hlaðvarp á gömlum grunni! Kominn er í loftið nýr og brakandi ferskur þáttur af Návígi- vel virtu hlaðvarpi sem fyrst leit dagsins ljós árið 2018.
Umsjónarmaður, sem fyrr, er Gunnlaugur Jónsson en í þessari seríu er honum til halds og trausts, Hjörtur Hjartarson.
Sú sería sem er á leið á öldur ljósvakans er einskonar hliðarverkefni frá sjónvarpsþáttaseríunni, A&B sem nýverið var sýnd á Stöð 2 og sló heldur betur í gegn. Í það minnsta var það upphaflega konseptið. Það stækkaði hinsvegar og fór í margar óvæntar áttir. Meira um það síðar. Fyrsti þátturinn heitir Akranes.
Þar er farið um víðan völl og saga ÍA, Akraness, tvíburanna og meðreiðarsveina rifjuð upp. Við heyrum í fjölmörgum kempum sem færa okkur 20, 30 og jafnvel 40 ár aftur í tímann. 
N1 - ASKJA - LANDSBANKINN - IKEA